ย้อนว่าช่วงนี้งานเครื่องเสียงหมดแล้ว บ่มีผลงานมาโชว์พี่น้อง
ขอเฮ็ดแนวกินมาสู่พี่น้องกะแล้วกันเนาะครับ
ขอนำเสนออาหารอีสานเป็นหลักเนาะครับ เพราะว่า อาหารไทยผัดๆทอดๆ พี่น้องคงสิคุ้นตากันหมดแล้ว
มื่อนี้ขอนำเสนอ ป่นกบ เด้อพี่น้อง
ได้กบเลี้ยงมาแต่ตลาด ตัวนึง 35 บาท
ตามสูตรที่จำมาจากคุณแม่ สมัยเป็นหนุ่มน้อย เพิ่นบอกว่า ให้ย่างกบทั้งตัวก่อน ให้พอหนังกบตึงๆ
โดยที่ยังบ่ต้องควักเครื่องในออก เพื่อให้กบมีกลิ่นหอม และต้มเปื่อยง่าย
หลังจากนั้น นำกบมาผ่าท้องควักเครื่องในออก ล้างให้สะอาด
ต้มน้ำ ใส่น้ำปลาแดก 1 ช้อน + เกลือครึ่งช้อน รอให้เดือดแล้วใส่กบที่ล้างสะอาดแล้วลงไป
ต้มให้เปื่อย ครับ
